Bitrix24 CRM ანალიტიკა: 7 რეპორტი, რომელიც გაყიდვების გუნდს სჭირდება

1. ფანელი ეტაპების მიხედვით

რამდენი გარიგება შევიდა თითოეულ ეტაპზე და რამდენი გავიდა. სად იკარგება ყველაზე მეტი — ზარიდან შეხვედრამდე თუ შეხვედრიდან კონტრაქტამდე.

2. კონვერსია წყაროების მიხედვით

Facebook ლიდი, ზარი, რეკომენდაცია, გამოფენა — რომელი არხი იძლევა კონტრაქტს და არა უბრალოდ ლიდს. ეს არის რეპორტი, რომელიც მარკეტინგის ბიუჯეტს ცვლის.

3. მენეჯერების შედარება

ზარები, შეხვედრები, კონტრაქტები, საშუალო ციკლი და საშუალო თანხა თითოეულ მენეჯერზე — ერთ ცხრილში, თვეების მიხედვით.

4. დაყოვნება ეტაპებზე

რამდენ დღეს დგას გარიგება თითოეულ ეტაპზე. გარიგება, რომელიც 30 დღეა „მოლაპარაკებაშია“, ან დასახურია, ან დასაბრუნებელი.

5. ხელმოწერილი კონტრაქტები თვეების მიხედვით

გეგმა-ფაქტი თანხაში და რაოდენობაში, შარშანდელთან შედარებით, პროექტების ან პროდუქტების მიხედვით.

6. დასაბრუნებელი კლიენტების სია

დაკარგული ან გაჩერებული გარიგებები, რომლებსაც ხელახლა უნდა დაუკავშირდეთ — პრიორიტეტით: თანხა, ბოლო კონტაქტის თარიღი, მიზეზი.

7. მარკეტინგის ხარჯი ლიდზე და კონტრაქტზე

UTM-ების მიხედვით: რა დაჯდა ერთი ლიდი და ერთი კონტრაქტი თითოეულ კამპანიაში.

რა სჭირდება ამას

Bitrix24-ის BI კონექტორი ან REST API, ეტაპების ისტორია და მომხმარებლის ველები (სწორედ იქ ინახება ხელმოწერის თარიღი და პროექტი). ერთი მოდელი, შვიდივე რეპორტი, ყოველდღიური განახლება — ჩვეულებრივ 2–3 კვირა.